કાંટાઓને દર્દ છે છાનું, એ હું જાણું, ફૂલોને યે દિલ છે દીવાનું, એ હું જાણું, ઝાંઝવા થી ના પ્યાસ બુઝાશે, ઓ દિલ મારા, અંત જામ અશ્રુનું પીવાનું, એ હું જાણું.

-ઝરીના ‘ચાંદ’

યારી ગુલામી શું કરું ત્હારી ? સનમ,
ગાલે ચૂમું કે પ્હાનીએ તને ? સનમ.

-કલાપી

 

તમે જ યાદ અપાવ્યાં મને સ્મરણ જૂનાં,
ફરી એ વાત પુરાણી તમે કહો તો કહું.

-હરીન્દ્ર દવે

 

હજાર વાત કરે આંખ, હોઠ કંઇ ન કહે,
આ એક પ્રકારની નિષ્ઠુરતા છે, લાજ નથી.

-મરીઝ

 

તમે એકવાર જેને રાત દઇ જાઓ છો જીવન માં,
દિવસ મળતો નથી એને સૂરજ ની રોશની માંથી.

-બેફામ